Shillong, Jymmang 04: Ka tnad ka koit ka khiah jong ka sorkar pdeng kala pyntrei kam ia ka 
Mission Indradhanush ( MI ) ha u bnai Nohprah jong u snem 2014, ban pyndih dawai kyrpang ia ki khynnah bad ki long kmie ba armet bad kane na long haduh u snem 2020 ia kane ka skhim la tip kum ka Universal Immunization Programme , la ong ka Dr B Mawthoh additional Director Health Services (MH&MW) jong ka sorkar Meghalaya.
Ia kane ka Universal Immunization Programme la sdang ha kane ka Ri India ha u snem 1985, hynrei kane ka jingai dawai haduh mynta ka dang ioh ban ai sha ki khynnah bad ki long kmie tang kumba 65% wat hadpeng ki jingpyrshang kiba bun bad kane kala pynlong ban hap ban pyrkhat sani kumno ban leh ban pynpoi ia kane ka jingai dawai sha ka 905.
Ka jingeh kaba ia kynduh ha kane ka jylla Meghalaya ka dei na ka jingngeit biej bad teng teng wat ka niam ruh ka ialam bakla ha kaba ia dei bad ka jingpyndih dawai, na ka liang jong ka tnad ka koit ka khiah jong ka sorkar kala ia leh katba lah ban pynsngewthuh ia ki paidbah ha kaba ia dei bad kane ka jingpyndih dawai na ka bynta ban iada ia ki khynnah bad ki long kmie na ki jingpang.
Ia kane ka Mission Indradhanush ha kane ka kynti kaba mynta lajied hynniew tylli ki District ha ka jylla bad kito ki long ka East Jaintia Hills, East Khasi Hills, North Garo Hills, South West Khasi Hills, West Jaintia Hills bad West Garo Hills . Napdeng kine ki District kba shem jingeh ban pynsngewthuh ka dei ka East Khasi Hills District. Katba na ka liang jong ka sorkar ka kwah ban iohi ba ka pateng ban wan ka dei ban long kaba koit kaba khiah.
