Shillong, Nailar 29: Ka Hynñiewtrep Youths’ Council
(HYC) Education Cell lyngba u Samla Enlang Sawian Secretary Education Cell CEC ka pynpaw iaka jingpyrshah kaba jur halor ka jingmih kyrteng bad ka jingioh bhah Jong ki ar ngut ki khynnah Pule kiba dei naka kiwei ki Jaitbynriew kita u iftikar Ali Mondal bad ka Ummay Habiba Begum kum ki scheduled caste.
Kine kila shah jied ban leit pule lyngba ka state Quota ha ka college of Agriculture, Manipur lyngba ka tnad Jong ka Department of Agriculture & Farmer’s Welfare Jong ka Sorkar Meghalaya katkum ka jingpynbna jong Kane ka tnad ba la pynmih ha ka 28-09-20.
Kum ka Seng ki pyrshah jur bad ka jingbym sngewiahap satia halor Kane jingioh bhah kyrpang Jong kine ki ar ngut ki khynnah pule kiba dei naka kiwei ki Jaitbynriew ki bym dei ki riewlum jong ka jylla Meghalaya ban leit pule lyngba ka bhah Jong ka Sorkar jylla.
ka Seng ka dawa naka Director of Agriculture ban pynshai ba halor Kano ka nongrim ba kine ki ar ngut ki khynnah pule ki ioh iaka bha kum ki scheduled caste ban leit pule lyngba ka state Quota.
kaba dei hok tang iaki Scheduled Tribe katkum ka jingtip Jong ka Seng, ka HYC ka dawa ruh naka Sorkar Meghalaya ban pynshai mardor ba naduh mynno ki scheduled caste(SC) bad ki other Backward Classes(OBC) ki la ioh ia kata ka bhah kyrpang ban kin leit pule ha ki line jingpule lyngba ka State Quota ,ia kaba la mang kyrpang tang iaki samla riewlum jong ka Jylla.
ka Seng ka dawa iaka tnad Directorate of Research and Training, technology ba ka dei ban pyndam Mardor ia ka kyrteng Jong ki ar ngut ki khynnah pule kiba la mih kyrteng katkum ka notification ba la pynmih.
