Jowai, Jylliew 04: Ka Jaintia Youth Federation Central Body ka ieng skhem ha la ka nongrim ban pyrshah ia ka jingpynlong public hearing jong ka Meghalaya State Pollution Control Board (MSPCB) na ka bynta ka Star Cement Private Ltd ka ba dei tang ka jingpynlong tang dep rukom ha khmat jong ka pyrthei,
Ka jingiohlad jong ki kharkhana dewbilat ban wan ieng beain khlem kano kano ka jingbit jingaibor jong ka tnad ba dei khmih ia ka ne ki jia ba dei na ka daw ba ka sorkar, ki nongmihkhmat, ki nongshynshar shnong, nong synshar Elaka ba kim don ka jingkit khlieh ia ka iap ka im jong ka jaitbynriew khamtam eh ia ka pateng ka ban dang wan.
U District Magistrate jong ka East Jaintia, ula pynmih iaka hukum haka 12 tarik bnai bal ah dep ban pyntreikam iaka hukum jong ka National Green Tribunal (NGT), Principal Bench, New Delhi dated 17th April, 2014 bad ka jingbthah na ka sorkar Jylla katkum ka shithi No. MG.25/2014/PT-I/186, dated 9th May 2014 na u Principal Secretary, Mining & Geology, Department, Government of Meghalaya ba baroh ka jingtih dewiong thliew khnai bad ka jingshalan dewiong la khang tad ynda la pynbna da kumwei.
Ha ka juh ka por ruh ki kharkhana pynmih dewbilat ki dei ka juh ka rukom treikam jong ki da kaba pynjot ia ki lum ki wah ki khlaw ki btap, ha kaba ka jingkhlong maw shun jong ki ka
Shuh shuh ki sngew kyndit ban tip ba ha ka ei ka bynta ba kine ki Company Cement kila ioh lad ban Seng kharkhana pynmih dewbilat ha ki jaka ba dang ithuh kum ki khlaw ki btap, imat ka don ka ei re ka ei ha lyndet ba ka jingioh lad jong kine ki kharkhana pynmih dew bilat ban Seng kharkhana ha kine ki jaka ba dang ithuh kum ki jaka khlaw ka dei tang ka jingia don kti lang ki riewheh riewhain kiba dei ki politician.
Na ka liang jong u Bah P.L Majaw President jong ka JYF Sengkmie u ong ba ka Seng kan iaid beit sha khmat ban pyrshah jur ia ka ne ka jingthmu jong ka MSPCB ban pynlong jingialang paitbah ha ka 12th-06-2014 ha Lumshnong na ka bynta ban shim ia ka jingai jingmut jong ki ba bun balang kiba sngewkhia na ka bynta ka iap ka im jong ka jaitbynriew kaba la mat ia ka jingjot jingsniew dur (Environment Protection Act, 1986) jong ka mariang ha kaba ki khlaw ki btap (Forest conservation Act 1980) ki la syllen lut khlem dieng (United Khasi- Jaintia Hills Autonomous District (Management and Control of forests) Act, 1958, Meghalaya Forest Regulation (Application and Amendment) Act of 1973; Meghalaya Forest (Removal of Timber Regulation) Act of 1981) khlem siej, bad ki um ki wah (Meghalaya Water (Prevention and Control of Pollution) Rules, 1996 and Meghalaya Air (Prevention and Control of Pollution) Rules, 1988) ki la kylla bih lut ong u bah majaw,
Ka Meghalaya Transfer of Land (Regulation) Act,1971 Sec.4 (1) (e) & 4 (1) (f), Meghalaya Forest Authority Act of 1991; hato kine ki kyndon ain jong ka Meghalaya kiba lah don lypa ban iada ia ki trai ri trai muluk ba ki bar jylla ne ki kharkhana kin ym lah ban thied khyndew na u trai ri (Six Schedule), kumno pat kine ki kharkhana dewbilat ki lah ban thied da ki phew phew hectar ia ki par mawshun jong ki trai ri? Haba ka ain kam shah.
Shuh shuh ka ba I thamula haba pynlong public hearing jong ki kharkhana dewbilat ka long ba ki da leit canvas ne phah agent kylleng kylleng ban leit khroh leit kjor ia ki briew ki bym don jingnang jingtip ban shu wan rah kti ha katei ka jingialang, wat na ki sengbhalang, Elaka, ki shnong ki thaw ba kin ia wan ai jingkyrshan da ka ba ai jingkren shi kyntien ar kyntien lane shu rah kti haba khot ban rah kti, ia ka bai kali bai bam ym donkam ban khuslai namar kin pynbiang hi ma ki nadong shadong ong u bah Majaw President jong ka JYF.
Ka ba lyngngoh hangne kumno ka MSPCB ka dang shim khia ban wan pynlong public hearing na ka bynta ka jingpynheh par tih mawshun jong ka star cement haba ka mukot duma pyrshah ia kitei ki kharkhana dewbialt ba la ujor da ka JYF ka dang iaid shakhmat, halor ka jingpynjot jong ki ia ka mariang, ki um ki wah kiba la kylla bih bad kylla rong bym long shuh ban pyndonkam. Ka MSPCB ha ka jaka ba kan shim khia ban sangngeh noh ka ai Clearance Certificate lane NOC sha ki tei ki kharkhana dew bilat pynban ka da thrang dik dik bad kyndeh mynsiem ba lano kine ki kharkhana pynmih dew Bilat kin wan pan jingbit ban pynlong public hearing khnang ba kin ioh ia mat lang ia kane ka lyer shit cement kaba da khluit ha kine ki thain Narpuh kynthoh shuh shuh u bah Majaw.
Ka MSPCB ha shuwa ba kan ai bor ia kano kano ka Kompeni ban seng karkhana ha kano kano ka jaka, hato kam iohi ne ioh sngew ba ki pynjot ia ka mariang bad khlaw ki btap?. Ha kane ka bynta hap ban kynnoh ruh ia ki paidbah kiba ai ia ka jingkyrshan, namar ba ka Board ka shim ruh ia ka jingpynpaw jong ki, namar ha kiba bun hi ki khep ka kham shim ia ka rai jong uba bun balang. Pynkut u kyrwoh khubor na ka JYF. (SP News)
