Shillong, Naitung 20: Mynta ka sngi kawei ka kynhun kala mih na ka Mawlai Constituency, ia kaba la jer kyrteng kum ka “Mawlai Constituency Progressive Forum” ha kaba kila wan ban ia shim bynta sha kane ka jingplie ia ka Block ba thymmai ha Lumawsing.
Kane ka kynhun kaba la poi sha katei ka jaka shuwa ban sdang ia kane ka jingplie ia kane ka Block kiba la ia don hapoh jong ka shispah ngut kila iaid jar jar naduh Mawtar ban poi sha Lumawsing kaba jngai kumba shi kilometer.
Ha kawei na ki placard kaba la rah da kane ka kynhun kila thoh ia ka jingthoh kaba ong “khublei shaibun myntri rangbah ba phi la wan buh ia ka C&RD Block Mawlai” bad kiwei kiwei ki jingthoh kiba la ai ka jingiaroh ia u myntri rangbah ka jylla u ba la lah ban plie ia kane ka Block mynta ka sngi.
Ia ka iing ba shipor ban pyntrei kam ia kane ka block yn pynlong hapoh ka iing dorbar jong ka Mawtawar bad ia ka ophis jong ka Block kaban dang hap ban shna pat kan long ha jrong jong u lum Lummawsing ia kaba la ai sengbha da ka shnong.
