Shillong, Lber 31:Ka kynhun ialehkai jong ka Wahingdoh ka la rah ia ka nam lahduh ha ka lympung ialehkai U-14 Football Tournament kaba la pyniaid da ka Shillong Sports Association ha ka sngi Saitjain ha Polo, hadien ba ka la lah ban pynliem da 2-1 ia ka Mawkhar ha ka jingialehkai phainal ha ka sngi Saitjain ha Polo.
U Bankitboklang bad Onyxson kiba la rah ruh ia ka khusnam Best Striker ki dei ki ar ngut ki rangialehkai kiba la lah ban pynjop ia ka Wahingdoh ban rah ka nam lahduh ha ka U- 14 Football ka SSA.
U Bankitboklang ula thep ha ka minit kaba 7 bad ia ka kol baar pat la thep da u Onyxson ha ka minit kaba 26. Na ka liang ka Mawkhar ka pynphai tang shikol lyngba Semion Mylliemngap ha ka minit kaba 37 bad haduh ba kut kam shym la ioh lad shuh bad khadduh ha ka hab ban mad ia ka nam rem da 2-1.
Ka Wahingdoh ka la ioh ban rah ia ka khusnam da ka song pisa kaba T.20 hajar bad ka Mawkhar kaba wan baar ka la rah ia ka song pisa kaba T.10 hajar
Cap- Ki khynnah ka Wahingdoh kiba rah ia ka nam lahduh ha ka U-14 ka SSA.(SP News)
