Shillong, Risaw 28: Mynta ka sngi ha ka por mynstep ki briew kiba la sub aba ki dei na ka kynhun lehnoh kila rah bor ia shibun ki nngkhaii kiba na Mankachar, Assam kiba wan iew ha Bilkona ha South Garo Hills District.
Kine ki lehnoh kila apthap ia kine ki nongwan iew ha lynti shuwa ban poi ha kane ka iew kaba juh long shisien shitaiew ong ki lad khubor, ha kane ka jingshah rah bor la ong ba baroh ki lah ban don khyndai ngut, hynrei u wei na ki la pynlait noh.
Kine ki suba lehnoh kiba la rah bor ia kine ki briew kila rah ia ki sha ki khlaw ba marjan, naka liang jong ki pulit jong ka South Garo Hills mar ia ioh ia kane ka jingtip kila leit bran bran sha kane ka jaka ban thwet ia kine ki nongrahbor bad ban ia leh ban pynlait noh ia kine ki nongkhaii.
Kat haduh ba thoh ia kane ka khubor jingthwet jong ki pulit ia kine nongrah bor ha kane ka thain ka dang iaid sha khmat. Haduh mynta ym pat lah ban ong mano ba dei ban rah ia kine ki nongkhaii hynrei la sub aba ki dei na ka kynhun lehnoh.
