Shillong, Rymphang 15: Mynta ka sngi ka “Business Advisory Committee” hapoh ka jingpyniaid jong u Lamphang ka iing dorbar thawain ka jylla u bah Metbah Lyngdoh kala ia shong ban ia pyrkhat ia ki sngi shong dorbar mang tyngka na ka bynta u snem 2022-2023.
Ha kane ka BAC nalor u Lamphang ka iing dorbar kynthup ia u bah Prestone Tynsong Symbut Myntri Rangbah ba dei peit ia ka tnad Parliamentary Affair, nongialam ka liang pyrshah u Dr Mukul Sangma, ka MLA Kong Ampareen Lyngdoh bad u Balajied Kupar Synrem MLA, bad ki ophisar.
Ha kane ka jingiashong ka BAC, la shim ia ka rai ba ka jingiashong dorbar manf tyngka kan long naduh ka 4th haduh ka 17th Lber 2022, ki sngi shong dorbar baroh ki long 10 sngi, ha kine ki 10 sngi, na kine la mang hynniew sngi na ka bynta ki kam sorkar bad lai sngi na ka bynta ki liang pyrshah.
Ha kane ka sngi la buh ba ia ka mang tyngka na ka bynta u snem 2022-2023 yn wanrah hapoh ka iing dorbar ha ka 9th Lber 2023 da u myntri rangbah ka jylla u Conrad K Sangma ba bat ia ka tnad pla pisa jong sorkar jylla.
