Shillong, Jylliew 15: Ka cabinet mynta ka sngi kala shim ia ka rai ban weng noh ia ka jingsynshar Administrator hapoh jong ka Garo Hills Autonomous District Council (GHADC). Da kane ka rai kala ai ia ka lad ia ki MDC jong ka tei ka District Council ba kin jied ia u CEM ba thymmai ban thaw ia ka Executive Committee hapoh jong ka GHADC.
Na ka liang jong u Dr Mukul u la ong ba ia kane ka rai jong ka cabinet, ka sorkar kan sa pyntip sha u Lat jong ka jylla na ka bynta ban yn khot ia ka dorbar kaba kyrpang ban ialad ia ki MDC jong ka GHADC ba kin jied noh ia u CEM u ba thymmai na ka bynta ban don noh ia ka EC khang ba katei ka iing dorbar kan lah ban pass ia ka mang tyngka jong mynta u snem 2017-2018.
La pynjari iaka synshar Administrator hapoh jong ka GHADC ka long ha dien ba u CEM ba rim jong ka GHADC u la hair shuki noh khlem ba pass ia ka mang tyngka na ka bynta kane ka snem bad kane kala wanrah ia ka jingeh bad na ka liang jong ka sorkar kam ban se ban pynjari ia ka synshar administrator ha ka 4th Iaiong 2017 ban peit ia ki kam jing ka GHADC.
Naka liang jong u myntri rangbah u la iathuh ruh ba ha kane ka jingialang jong ka cabinet kaba la long mynta ka sngi kila shim ruh ia ka rai ban wan rah ia ki jingpynkylla ha ki katto katne ki bynta jong ka Meghalaya minor minerals concession rules, 2016 da kaba pynrung thymmai ia ki katto katne ki kyndon hapoh jong ka rule 24 bad 25 bad da kaba weng noh ia clause (g). Ka jingthmu ka long ban pynsuk ia ki nongtrei par kane ka jylla.
