Shillong, Nohprah 16: Ka Confedertion of Ri Bhoi People (CoRP) ha ka Central Executive Committee (CEC) kaba la long ha ka 9 tarik Nohprah, ha Nongpoh ka la iatai sani bha halor ka mat ka jingbym lah shuh ban iatreilang hapdeng u President bad General Secretary ka CoRP central body ha kaba ka executive Committee kam lah shuh ban pynbeit bad ka la phah noh ia katei ka kam sha ka Central Executive Committee.
Kumta, hadien ka jingiatai sani bha ka CEC ka la shim ia ka rai ban pynduh noh shwa shipor ia ka kam President bad General Secretary ka CoRP Central Body tad haduh ban da pynlong ia ka elekshon ua u bani Lber, 2018 ban jied thymmai ia kitei ki ar tylli ki post ba ha khlieh duh hapoh ka seng. Ia ka tarik ban pynlong ia ka elekshon yn sa pynbna hadien.
Ha katei ka sngi ka CEC ka la thaw ia ka Cartaker Body ban peit shipor ia ki kam seng bad ki dkhot jong katei ka body ki kynthup ia ar ngut ki Vice President Central Body, Bah Nickson Kharkhrang, Bah Munu Shakwa, u Asst Genl. Secretary bah Ban Shylla lem bad u Chief Adivicer bad president barim bah DS Sulein.
Ka CEC ka la rai ruh ba baroh ki prokram jong ki circle bad unit kin iaid shakhmat ha kaba yn peit da ka Cartekar Body ym shuh da u President bad Genl. Secretary central body. Ka Cartaker Body ka la pyntip ruh ba ki senior member ka seng ki lah ban iakhun ia kitei ki post ha ka elekshon jied nongkitkam ha u bnai Lber, 2018. Kane ka long katkum ka kyrwoh ba la phah da u bah Ban Shylla Asst. Secretary ka CoRP-CB.
