Jowai, Kyllalengkot 04: ka Dorbar Shnong Iooksi Iapkhla ha ka 3/01/17 ka la rai ban pynia khun da u Samla Nehemayah Tyngkan sha ka Election MLA 2018 naka 4th Mowkaiaw LA Constituency.
Ia kane ka rai la shim haka jingialang kaba la long ha madan Phutbol Mooblang ha kaba da ki spah ngut ki rangbah ki long kmie bad ki samla nongshong shnong jong ka shnong Iooksi Iapkhla ki la ia mynjur lang ban phah ia u samla Nehemayah Tyngkan kum u kyrtong ban iakhun pynshah haka MLA Election 2018.
Haba sdang jong ka jingialang la ioh iaka jing kren na u samla Nehemayah Tyngkan ha kaba Ula pynpaw hakhmat ki paidbah nongshong shnong ka shnong Iooksi Iapkhla iaki jingangnud jong u ban iakhun kum u kyrtong haka election MLA kaba sa long ha u snem 2018.
Haba ai jing kren haka jingialang naka Liang u samla Nehemayah Tyngkan u ba dang shu dep risain dang shen naka kam kum u Branch Manager ka Birla Sunlife Insurance Jowai Branch U la ong ba ka thong kaba hakhmat eh jong u ban leh kum u nong mih khmat lada u jop ka long ban pynbha iaki surok bad ki lynti ki syngkien hapoh ka Constituency namar kumba ka long mynta bun ki surok hapoh ka constituency ki la jot rathai ymdon nongpeit ha kaba ki paidbah nongleit nong wan manka sngi kila ia ud ia khnium.
Une u samla Ula buh ruh iaka thong ba lada u jop Ula kular ban pynbor iaka sorkar ban siew kloi katba lah iaka tulop ki nonghikai baroh hapoh ka jylla. Shibun kiei kiei kiba kongsan ba une u samla u la angnud ban leh lada u poi shaka thong kaba u thmu.
Katkum ka jingiathuh naka liang ki rangbah ka shnong ba shen iakane ka rai yn sa leit rah sa haka Dorbar Pyllun ka Shnong Iooksi naka bynta ban pan saka Jingkyrshan kaba pura sa na ki San tylli ki Shnong hapoh ka Shnong Iooksi Pyllun ha shwa ba une u samla un mih shakhmat haka jjngialeh ka jong u.
Iakane ka jingialang hakane ka sngi la pyniaid da u Rangbah D. Nongrum uba dei u dkhot shnong. Ha shwa ban pynkut iaka jingialang la ioh ruh iaka jing rwai ieid RI ka “Ri Khasi Ri Jaintia”.
