Shillong, Kyllalyngkot 07: Ka iing bishar jong u District session Judge mynta ka sngi ha dien ba la wanrah ia u bah Julisu Dorphang hapoh iing bishar kala ai ia rai ban set ia u ne u MLA jong ka Mawhati san sngi ha kti jong ki pulit ia kaba la tip kum ka “Police Custody”.
Ia u Bah Julius la wan rah hapoh ka iing bishar ha ryngkat jong pahara jong ki pulit ha kaba la tap ia u da ka jain ban nym iohi ia ka durkhat jong u ha ryngkat kiba ha iing ha sem kiba la wan ban synranlang ha kane ka por.
Ka jingbishar kala neh kumba shikynta duna ei ei bad ha dien ba la dep ban tian bishar ia u la rah noh da ki pulit ha kaba ym shym la ailad ia u ba un kren ha ki lad pathai khubor kiba la ap ia u ha katei ka jaka mar ia dep bihsahar la rah noh da ki pulit.
Shuwa ban rah ia u sha iing bihsar na ka liang jong u Bah Vivek Syiem SP Shillong City u la ong ba la ioh kem ia u na Jaka ieng bus ha Giwahati ha ka miet sngi thohdieng bad mynta ka sngi la wanrah ia u sha Shillong bad la rah ruh sha Civil Hospital ban peit ia ka koit ka khiah ka jong u.
Na ka liang jong ki pulit kila pan san sngi na ka iing bishar ban bat ia u Bah Julius ban toh kit ha kaba ia dei bad kane ka jingshah kynnoh ka jong u ba u la leh beijot ia ka khynnah khatsaw snem. Na ka liang jong ki pulit kila pyngngat ruh hapoh jong ka ain POCSO.
