Shillong, Risaw 31: Ka NSS Unit jong ka Balawan college, Umsning ka la rakhe ia ka sngi “National Unity Day” kaba dei ka lynkhuh sngi kha jong u Sardar Vallabhbhai Patel mynta ka sngi ha ka phyllaw jong ka college. La sdang ia kane ka sngi da ka “Swachh Bharat Abhiyan” ne ka jingpynkhuid ia ka college bad ki pud sawdong jong ka da ki khynnah pule jong ka NSS Unit jong ka College.
La pynkut ia kane ka sngi “National Unity Day” da jingpynbam smai ia ki khynnah pule baroh jong ka College da u Principal jong ka College, Bah J.Kurbah ha ka jingiadonlang ki nonghikai, u NSS programme officer bad ki khynnah pule baroh.
