Shillong, Jylliew 07: Ka Seng Samla Shnong Mawlangwir kum shibynta ban rakhe pyneh ia ka Mei-Mariang ka la pynlong da ka Cleaning Drive ha ka 7th June, 2017 ha Tynrong, Mawlangwir. Ha kane ka Programme la iashimbynta shitrhem da ki Nongkitkam jong ka SSSM bad ki khynnah Skul jong ka Presbyterian Secondary School, Mawlangwir, ha kaba la ioh ban pynkhuid ia ki jaka pynsahnam u barim naduh Mawrangjiñ, Mawruduk, Mawchongphai bad ki sawdong sawkun jong kitei ki jaka.
Ka SSSM ka sngewkhia shibun ban lap ia ka jingjakhlia bad ki jaboh jabaiñ kiba la shu bret pathar da ki briew kiba wan shangkai bad kiba iaid ba ieng na kitei ki jaka. Kumta ka SSSM ka kyrpad ia baroh kiba wan shangkai bad kino kino kiba wan ia bam khana kin sngewbha ban nym pynjakhlia bad bret pathar ha kitei ki jaka namar ym tang ba ki long kiba itynnad hynrei ki long ruh kiba khring ia ki nongshangkai pyrthei na kiwei pat ki jaka.
