Nongpoh , Naitung 18: Ka Khasi Students’ Union (KSU), North Khasi Hills district unit ka la pynlong ia ka jingrakhe ia ka lyngkhuh Sngi Iap ba 179 snem jong u u syiem Tirot sing u syiem jong ka Hima Nongkhlaw u ba long u khla ka wait jong ka jaidbynriew i Hynñiewtrep u syiem ia akne ka jingrakhe la pynlong ha Ri Bhoi District hynnin ka sng
Kane seng ki samla pule ka la pynlong shuwa ia ka jingleit buh syntiew ia u mot sah jingkynmaw ia utei u Khlawait ka Rilum Khasi-Jaintia, ha ka skul JNV, Ñiangbari, Ri-Bhoi district, ia kaba la sakhi da ki nongialam katei ka seng kiba na katei ka district.
Ha ka jingleit buh syntiew, la sakhi lang ruh da ka jingdon u Sudip Pal, principal katei ka shlem jingnang jingstad, ki khynnah skul bad ki nonghikai, hadien kata ka KSU ka la pynlong ia ka jingialang ha ophis treikam jong ka ha Mawdiangum, Nongpoh ba la pyniaid ia ka jingialang da u Samla Lambok Rymbai, president ka KSU Nongpoh Circle.
U Samla Lambokstar Marngar, finance secretary ka KSU, uba long ruh u incharge ia ka Ri-Bhoi district jong katei ka seng ki samla pule, u la long u Kongsan ha ka tei ka jignialang , ha ryngkat ka jingdon lang u Samla Rudy L Tron, asst organising secretary ka KSU, lem bad ka jingdon lang u Samla Ferdynald K Kharkamni, president ka NKHD unit, u Samla Vincent Makri, general secretary ka NKHD unit bad ki dkhot ka seng na Ri-Bhoi district bad kiwei kiwei.
U Samla Lambokstar haba kren ha ka jingialang ha Mawdiangum, u la pynkynmaw ia ka jinglong u Syiem Tirot Sing, uba kum ka seng kam lah ban klet ia ki matti jong u bad u la ong ruh “u Khawpud u iap bunsien, hynrei u riew shlur u iap tang shisien” bad kum u Khlawait bad u Riewshlur, u Tirot Sing u la len lade na ka bynta ban ialeh pyrshah ia ki sahep dohlieh kiba kwah ban klun jubor ia ka Ri Khasi ha kito ki snem. Hynrei kane ka jinglen lade jong utei u Riewshlur ka la pynlong ia ka Nam bad ka Kyrteng jong u ban iai im sah haduh kine ki sngi bad ba ki briew ki iai pyrto ruh ia kane ka nam kaba u la leh.
Ka seng ka la ioh ruh ban sam ia ki khusnam sha ki khynnah kiba la pass bha ha ki eksamin bapher bapher , u Samla Lumlang Lyngkhoi uba la ioh ia ka nam 10th Position ha ka BSc (Hon) Physics bad ba la sakhi lang ruh da ka jingdon u Rangbah Shnong ka Sohliya, u Bah O Lyngkhoi, katba ia ka jingialang la pyniaid da u Samla Peterson Kylla, president ka KSU Umsning Circle.(SP News)
