Shillong, Kyllalyngkot 17: Ka seng Nohron Youth Sport and Social Welfare Organization (NYSSWO) kala pynlong ia ka jingkhwai dap shiphew snem jong ka seng ha ka 13 tarik mynta u bnai hapoh jong ka shnong Nohron.
Ha kane ka sngi la pynlong ia ka jingkhawai paidbah ia baroh ha ka por mynsngi bad ha ka por jan miet pat kala don ka jingialang paidbah ha kaba la pynsngew ia ki jingtrei kam jong ka seng ha kaba la pynlong bun ki jingialehkai kum ka kynjatball bad ka jingrakhe ia ka jingpynneh ia ka mariang.
Ka jingthmu jong kane baroh ka long ban wanrah ia ka jingialang kawei hapoh jong ka shnong ka thaw bad ka long ruh kam wei na ki lad ban pynlait ia ki khun samla na ki kam sniew kiba ha rukom hapoh ka jingialam jong u Bah Gosper R Nongrum kum u nongai buid rangbah jong ka seng.
Ha kane ka sngi kala don ruh ka jingiakop tyrko hapdeng ki samla bad ki rangbah halor ka phang suk kaba shnong marwei. Ka seng ka pynpaw ruh ia ka jingsngew burom ia u MLA bad u MDC jong ki kiba la ia shnoh kti lang bad ka seng ha ka jingrakhe ia kane ka jingdap 10 snem jong ka seng.
