Shillong, Risaw 02: Kum ka jingpynkhuid ia ki sawdong sawkun jong ka Mariang, ki iing skul, ki building bad kiwei kiwei ki jaka paidbah, ka Khadsawphra College, Mairang ka la rakhe biang mynta ka school iaka Swachh Bharat Campaign ha ka 30 September 2016 namar ka Swachh Bharat Day ka hap haka Sunday 2 tarik mynta u bnai.
U bah Lambok Nongrang uba long u Chairman ka C&RD Block Mairang ula wan ia ban ia shim bynta kum u kongsan ha katei ka program ryngkat bad ki jingkren pynshai bad kyntu kynpham iaki khynnah skul. Kumno ngin nang ban leh khuid ymtang haki skul hynrei ha ing ha sem, ha iew ha hat, ha ki lynti synkein bad ban long ka nuksa ia kiwei da kaba iarap ia ki briew ba kin nang kumno ban leh khuid ha ki liang baroh kumba la angnud da ka sorkar India.
La ioh ruh iaka jingkren na u babu Boldness L Nongum, Principal ka College halor ka jingangnud u Gandhi kumno ban pynlong iaka ri India kaba khuid tam ha ka pyrthei.
Ia katei ka program la ialam da ki Ambassador ka Swachh Bharat Mission jong katei ka college kiba la thung da ka office u SDO(C) Mairang bad la sakhi lang daki para khyannah skul, ki nonghikai bad ki dkhot ka Managing Committee jong katei ka college.
