Shillong, Nailar 9: Ki pulit jong ka nongstoin kila ioh ia ka jingpyntip ba la don u wei u briew u ba thmu ban tuh ia ka Type na kawei ka kali kaba pynieng ha ophis District Transport Officer ha Nongstoin.
Ha kane ka jingjia ki riew paidbah bad ki dkhot ka VDP kila kem ia u ne u briew ba thmu ban tuh bad ha ka juh ka por na ka liang jong ki pulit ruh kila leit bran bran sha katei ka jaka hynrei katban da poi ki pulit la dep ban pynshitom ia u da ki briew ba don ha katei ka jaka ryngkat ka jingring Bdio.
Haba ia dei bad kane ka jingjia ki pulit kila register mukotduma pyrshah ia u ba thmu ban leh ia ka kam sniew, ha ka juh ka por kito kiba ring Bdio kila pynsaphriang ha ki lat jingtip bad kane ka jingleh ka long ba kila shim ia ka ain ha ka kti, halor kane ki pulit kila register mukotduma pyrshah ia kito kiba don kti ban pynshitom ia u ba thmu ban tuh.
Ki pulit jong ka Nongstoin ha dien ba kila register ia kane ka mukotduma mynta kila pynlong ia ka jingtohkit halor katei ka jingjia, ia u ba la shah kem la rah sha jaka ai jingsumar ban phah peit bniah bad la shem ba u la don ka jingmong na ka daw jong ka jingshah shoh, ong ka khubor na ki pulit.
