Shillong, Naitung 23: U nongialam ka Trinamool Congress ha kane ka jylla Meghalaya u Dr. Mukul Sangma u la pynskhem ia ka Mawhati Trinamool Congress Konstitwensi bad ka Dr. Saralin Dorphang kum ka President ba kan long ruh ka kyrtong jong ka party ha ka MLA elekshon 2023 na Mawhati Konstitwensi.
Ha ka jingkren jong u Dr Mukul ha kane ka jingialang paidbah kaba la long ha shnong Umjapnih, Umlaper ha Ri Bhoi District la kyntu ia ki paidbah ban ia treilang bad ka TMC ban weng ia kane ka sorkar MDA kaba la pyniaid da ka party BJP. Ha kane ka jingialang u tei u nongialam la kren ruh ia ki kam pynbeit pud, ha kaba ia dei bad ki nonghikai kiba la mat ia ki jingeh.
La pynkynmaw katba ka thain shatei lam mih ngi jong ka Ri India ki pyrshah ia ka CAA, hynrei kane ka sorkar MDA ka kyrshan hapoh Parliament ia kaba ki paidbah ka jylla Meghalaya kim nym lah ban pdiang, haba phai sha ki kam ki jam kane ka sorkar MDA ha kine ki san snem duna kam shym la pynmih ia ki lat ioh kam ioh jam lane tang ba kan thung ha ki kam ba thylli.
Ha ka jingkren u Vice President ka party u bah George B Lyngdoh la kyntu ia ki paidbah ban ia treilang ban wan rah ia ka jingkylla bad na ka liang jong ka MTC kala kut jingmut ban warah ia ka jingpynkylla na ka bynta ka jingmyntoi ki paidbah ka jylla.
Ha ka jingkren ka Dr. Saralin Dorphang kala ong ba kala trei na kane bynta kane ka thain Mawhati ha ka bynta kum ka Doktor hynrei kane kan nym lah ban iarap ia ki paidbah, ban shakri kham bha kala shim ia kane ka rai ban ia khun ia ka elelction da kaba resign noh na ka kam sorkar.
Kala ong ba kane ka thain naduh ba khlem long MLA shuh u kpa jong ka bah Phingwell Muktieh ka jingsah sharah kala dang hiar bad kam lah ban shu peit ia ka jingsah dien katei ka jaka kumta wat la kala don ha ka kam sorkat tang 18 hynrei kam lah ban shu peit kumta kala shim ia kane ka rai ban tyrwa sha ki paidbah ba kan lah ban trei kham bha ia ki paidbah.
Ha kane ka sngi la don lang u bah Phingwell Muktih MDC bad MLA barim katei ka jaka ba dei kpa jong ka Dr. Saralin bad kiwei ki nongialam ka MTC, ki paidbah ka thain kiba la ia poi sha kane ka jingialang ki long da ki spah ngut.
