Shillong, Lber 28: U bah Bajop Pyngrope MDC jong ka Rambrai Jyrngam Konstitwensi u la ong ba ka jingresign noh ka jong ki na ka party Congress ka dei na ka daw ba kim niew briew shuh ia ki nongialam ka party kiba la don hapoh ka party la bun bun snem, haba kim burom kan myntoi aiu shuh ban dang ia don ha ka party.
U Bah Bajop la ong ba ma u bad ki nongkyrshan kin leit noh ban pyniasoh sha ka Party NPP, ia ka sngi lano ban leit ban ia soh ym pat lah ban pynthikna namar ba ki dang hap ban ia kren, la antad ba leh se kan long ha ka 31 tarik mynta u bnai.
Mynta ka sngi u MDC jong ka Rambrai Jyrngam Block u bah Bajop Pyngrope bad ki nongkit kam jong ka party Congress mynta ka sngi la phah ia ka shithi resign sha u President jong ka MPCC.
Ha kane ka shithi resign la thoh ba kila resign na ki kam kaba ki bat baroh hapoh ka party bad na ka party naduh mynta ka sngi kiba la soi mynta ka sngi ha ka shithi resign ki don 20 ngut bad ki nogkit kam jong ka party ba dei napoh ka JR Block.
Ki nongkit kam kiba ha khmat eh nalor u MDC, kiba la resign mynta ka sngi ki long u Bah Ailand Lyngdoh Working President, u Thelen Sangma Vice President, u Kumar Marak Secretary , bah Phrangbor Marngar General Secretary, Kong Bertila Dkhar President Mahilai bad baroh ki nongkit kam jong ka RJB.
