Tura, Naitung 7: U myntri rangbah ka jylla Meghalaya u Dr Mukul Sangma u la ong mynta ka sngi ba ka sorkar kan sa pynmih sa 36 tylli ki police station kiba thymmai ban pynkhlian shuh ia ka jingtrei kam jong ki pulit.
Haba kren kum u kongsan ha ka jingplie ia iing kaba thymmai hapoh Ampati police station, u la ong ba ka sorkar kala bishar bniah mynta hangno banbuh ia kine ki police station. Kaneka long ban pynbha shuh shuh ia ka jingtrei kam jong ka tand pulit.
U myntri rangbah u la kubur ba ka don ka jingduna birew ha ka tand pulit ban ia khun pyrshah ia ki nongleh kam sniew bad ia ki kam lehnoh ha kane ka jylla dei na kane ka daw ba ka sorkar mynta kala shim ia kane ka rai ban pynkhlain shuh ia ka tand pulit.
U myntri rangbah u la ong ba ki pulit ki don ka jingiadei bad ki paidbah kaba man ka sngi bad ki long ki nongai jingshngian, ha ka juh ka por u la kyntu ia ki briew ba kin kiar na ki kam ba sniew.
Kumba ka long mynta ki paidbah kila duh ka jingshaniah ha ki pulit bad ki iing bishar na ka daw jong ka jingslem palat ka jingbishar. Laong ba kane ka South West Garo Hills district, kaba jan bad ka Bangladesh la pyndon kam da ki lehnoh ban rah bor ia ki briew namar ka jan sha Bangladesh.(SP News)
