Shillong, Nailar 21: Ka sorkar jylla lyngba ka tnad political department, kn sam sha baroh ki rangbah shnong, waheh shnong, ki Nokma ia ka Meghalaya Safety bad Security rules, 2017, kane ka jingsam ka long ba ki shnong baroh ha ka jylla ki dei ban don ia kane ka rule ba kin shai kumno ha kaba pyntrei kam iaka.
U Bah S Kharlyngdoh commissioner bad Secretary jong ka Political department, haba kren ha u SP News Agency u la iathuh ba ka sorkar mynta ka dang shon ia kane ka rule bad ynda la dep shon kin sa sam sha ki shnong baroh khnang ba baroh ki paidbah ki dei ban tip ia kane ka rule.
Ka sorkar kan phah ia kane ka rule sha ki Deputy Commissioner baroh khatwei tylli ki District ha ka jylla, bad ki Deputy Commissioner pat kin phah sha ki Block Development ophisar bad na ki Block development ophisar sha ki shnong ki thaw kiba don ha ka jylla baroh.
Ia kane ka Meghalaya Safety bad Security Rules la pynmih ha ka jingpynbna sorkar ha ka 14 tarik mynta u bnai bad ka jingmih jong kane ka long hadien ka jingiakhih ia ksaid jong ki seng bhalang ha kane ka jylla ban the lakam ia ka jingwan rung kyrthep jong ki briew kiba na bar sha kane ka jylla.
