Shillong, Risaw 12: Kum shibynta na ka skhim ‘Border Management Plan’ ki shipai BSF kila pynlong ia ka jingsam ia ki tiar ki tar ha ki lai tylli ki shnong ha khappud bad ka Bangladesh kita kilong ka Naljuri bad Dawki kiba hap hapoh jong ka West Jaintia Hills bad, Pyrdwah East Khasi Hills district.
U Sultan Ahmad, DIG, SHQ BSF Jowai u la plié ia kane ka jingialang ban sam ia ki tiar sha ki paidbah ha khappud bad la don lang ruh u D S Rathore, Commandant jong ka 30 Bn BSF jong ka Pyrdwah bad Dwaki. Ki rangbah shnong jong kitei ki lai tylli ki shnong bad ki khynnah skul ruh kila ia don lang ha kane ka sngi.
Ki tiar kiba la ai ki long ki Computers ryngkat bad ki miej ki shuki, ki jingialehkai Gym bad kiwei de ki tiar ha kaba ia dei bad ki jingialehkai. Ki shipai BSF ki juh ai ia kine ki jingiarap na ka por sha ka por sha ki shnong kiba don ha khappud bad ka Bangladesh ha ki bynta bapher bapher jong kane ka jylla.
