Shillong, Rymphang 03: Mynta ka sngi ka Deputy Commissioner jong ka East Khasi Hills District ka long RM Kurbah kala sam ei ia ki tyndong lyer shet sha ki 38 tylli ki long iing kiba duk hapoh ka shnong Riatsamthiah lyngba ka skhim Prime Minister Ujala Yojana.
Ha ka jingkren ha kane ka sngi ka Deputy Commissioner kala wat la ki don ha kano kano ka kyrdan kum ki long kmie, ka kamram jong ki ka long ban pynbiang bam ia ki khun, kane ka jingsam ei ia ki tyngong lyer shet ha ka sdang ka long ban pynlait ia ki long kmie na ka jingtdem.
Kaba kongsan ka long ban pynlait na ka jingpom dieng, namar kum ka long mynta ka jingkylla ka mariang kala ktah wat ia kane ka nongbah Shillong, ka jingpyndon kam ia ka tyngdong lyer ban shet ka long ban iada ka mariang bad ha ka joh ka por ban pynioh ia ka jingkoit jingkhiah.
Ha ka jingshisha ka jylla Meghalaya la niew ba ka dei ka jylla kaba dang rben ki khlaw, hynrei haba pyntrei kam ia ka skhim sam um sha ki iing ki sem la shem ba bun ki tyllong um kila tyrkhong na ka jingpam pathar ia ki dieng, ban iada ia ka pateng ban wan don kam ban pynneh pynsah ia ki dieng.
Haka jingkren ka Saswati Mudai ka ophisar jong ka IOC kaba dei peit ka jylla Meghalaya ha Meghalaya ka jingpyndon kam ia ka tyndonglyer shet ka long tang 56% hynrei da ka jingdon ia kane ka skhim PM Ujala Yojana kala kiew mynta, la ong ba ka grant kaba ka sorkar ka ai haba thied ia ka tyndong lyer ka dei T.300 tyngka.
Ha ka jingkren u bah Rap Blah trai jong ka Khasi Pnar Gas Agency, u la iathuh ba kane ka jingpyntreikam ia ka PM Ujala Yojana ka dei ka dien kaba ar, mynta ha u snem 2018-19 la pynioh shilak ki tyndong lyer bad mynta shilak, la ong ba kane ka sien kaba ioh nyngkong la ai ei, hynrei ha dien kaba ki hap ban thied ki hapan siew lut katba ka dei bad T.300/- tyngka pat kan poi biang ha ka Bank akkount jong ki.
U bah Mairaihom Kharkrang rangah shnong ka Riatsamthiah ha ka jingkren u la kyntu ia ki paidbah ban nym kylliang ia u mobile number ia u bala pyniasoh bad ka Aadhaar krad namar ia ka pisa wan lyngba u juh u number bad ka juh ka bank akkount bad ia ka jingkren ai khublei la ai da u symbut rangbah shnong bah Johna Suchiang.
