Shillong, Risaw 02: Ka seng kynthei jong ki Marwari na kane ka nongbah Shillong ia kaba la tip kum ka Marwari Mahila Samity Shillong (MMSS) mynta ka sngi kala rakhe ia kane ka sngi kha jong u kap ka jaid bynriew da kaba leit ban sam jingbam ia ki koidi kiba don ha hapoh jong ka Shillong District Jail.
Haba kren ha ki nongthoh khubor shuwa ban leit sam ia ki jingbam sha ki koidi ka president ka Shulila Gupta kala ong ba kane ka dei ka sien kaba nyngkong ba ka seng ka wan ban ai jingiarap ia ki koidi da ka jingbam. Ka seng ka sngew ba kine ki koidi kiba don ha kane ka jaka ruh kin ioh ban leh kmen ia kane ka sngi kaba khraw.
Na ka liang jong ka Mahila kala dep ban ioh ia ka jingbit na u heh duh jong ki Pulit u DGP ba kin wan ban ai ia ka jingiarap sha ki koidi kiba don hapoh jong ka Shillong District Jail.
