Shillong, Lber 28: Mynta ka sngi ka ki nongtrei ha ki bank bapher bapher hapoh jong ka lama ‘All India Bank Employees’ Association kila sdang ia ka jingiakhih kaba ar sngi da kaba sangeh trei kam ha ka Ri India baroh kawei.
Ka jingpynlong ia kane ka jingsagneh trei kam ha ka Ri India baroh kawei ka long ban pyrshah ia ka jignthmu jong ka sorkar pdeng ban aiti ia ki Bank sha ki riew shimet, ka seng ka dawa ruh ba ka sorkar ka dei ban sangeh syndon ia ka jingtrei kam ki ban ban aiti shiteng shiliang ia ka jingtrei kam sha ki riew shimet.
Ka seng ka dawa ba ka sorkar ka dei ban ai noh ia ka jingthuh ia baroh kiba trei kontrak hapoh ki bank ba kin long noh ki nongtrei bapura jong ki Bank, ka sorkar ka dei ban sangeh noh ka jingot lyngkhot lyngkhot ia ki ram kiba sah hynrei ka dei ban ia leh ban ioh noh ia ki ram na ki briew kiba kitram.
Haba ia dei bad ka jingsah kut ka pisa kum ka jingbym treikam ka sorkar ka dei ban pynduh noh ia kane ka bynta, haba ia ei bad ka jingioh ia ka baibam tynmen ki nongtrei ka sokar ka dei ban pyniasoh lang noh ia ka jingsiew baleit baiwan bad ka bai bam tynmen.
Ha nongbah Shillong ki nongtrei bank kila ia lum ka phyllaw jong ka Meghalaya Co-operative Bank ia kane ka jingiakhih la kyrshan lang ruh da ki Trade Union kiba don ha kane ka jylla Meghalaya.
