Shillong, Jylliew 21: Ki nongrep jong ka Mawkynrew konstitwensi ki la dawa na ka sorkar ba ka dei ban buh noh ka iew khnang ba ki nongrep kin lah ban die ia ki mar rep ha ka dor kaba biang. Bad la tei pop ba la khniot dor palat ki khar kaia.
U Bah Olet Kharsanoh u Sordar ka Jongsha haba ai jingkren sha ki lad pathai khubor ula ong,ka jingbym don ka iew ba la buh da ka sorkar ban die ia ki mar rep ka pynlong ia kiba bun na ki nongrep ba kin kynran dien noh na ka kam rep namar ka jingshah khoit dor palat ha ki khar Kaia.
Ula ong,bun na ki nongrep ki shim da ka ram na ki bank ka Kissan credit card kaba dei ka skhim sorkar kmie ba ju ai sha ki nongrep 50 hajar tyngka hynrei tang ia kane ka ram ruh ki nongrep kim lah ban siew.
“Ka jingeh kaba ki nongrep ki ia kynduh ka long ba ki thied ia ki mar rep kum u symbai bad ka sboh ha ka dor kaba rem katba da die ia ki mar rep ki hap ban die ha ka dor kaba tad”,la ong u Bah Olet.
“Kum ki nongrep phan ki pynlut ban thung ia u phan ha ka shi kilo ka long 15 tyngka katba kin da die sha iew pat ka long 8 haduh 10 tyngka shi kilo kaba la pynduh nong shi kat dei ia ki nongrep”,la bynrap u Bah Olet.
