Shillong, Naitung 02: Ki shipai BSF ha dien ka jingioh kem ksiar ar sien lynter na ka juh ka jaka na Hat Thymmai kaba hap hapoh jong ka East Khasi Hills District, kila ong ba mynta kila sdang ban lap ba ki nongkhaii masi beain sha Bangladesh ki ia bujli ia ki masi bad ka ksiar.
Mynta ka sngi haba ki BSF kila iohi ia ka jingwan jong ki Khar Bangladesh sha India ki BSF kiba don ha katei ka jaka kila ap ktem bha bad ha ka por ba ki mut ban kem ki khar Bangladesh kila phet krad bad ha kane ka jingphet ar tylli ki biskit ksiar kila hap ha madan ha kaba la tam da ki shipai BSF.
Da kane ka jingiatam ksiar ar sien lynter hapoh kane ka shitaiew mynta na katei ka juh ka jaka ki BSF kila sdang ban sngewthuh ba ki nongkhaii beain ia ki Masi Na Meghalaya Sha Bangladesh ki ia bujli ia ki masi bad ka ksair.
