Shillong, Jymmang 17: Ka seng congress kaba bat ia ka bor synshar ha kane ka jylla Meghalaya hapoh ka jingialam jongu Dr Mukul Sangma kum u myntri rangbah ka jylla, la shai ka sngi kan sdang ban pynkhreh ia ka Election MLA sha ka iing dorbar thawain ka jylla kaban long ha u snem 2018.
Bun na ki nongalam jong ka seng Congress kila pynsngew ba kane ka jingialang jong ka Meghalaya Pradesh Congress Committee (MPCC) ka long kaba don kam ban ia kren halor ka election MLA kaban wan bad kan long ruh kum ka jingsdang jong ka jingpynkhreh ia ka MLA Election kaba wan sa wan.
Katkum ki thymmei khubor kiba la ioh la ong ba la bethah ia baroh ki dkhot jong ka MPCC ba kin ia poi sha kane ka jingialang ka long la shai ka sngi kaban sdang ha ka por 12 baje. La ong ba ha dien jong kane ka jingialang na ka liang jong ka seng kan sa leit sha ki block bapher bapher ban pynkhreh ia ka MLA Election.
