Jowai, Iaiong 18: Ha ka sngi nyngkong ka Dorbar Shnong Iooksi ka la ioh ban jied thymmai ia u Waheh shnong jong ka naka bynta ka samoi treikam 2023-26. Iaka jingiajied ia u Waheh Shnong thymmai la pyniaid da u Doloi ka Elaka Raliang, u Doloi C Lyngdoh.
Ha ka jingia jied, u bah Histokrist Pachiang, u la Shah jied kum u Waheh Shnong thymmai ka shnong Iooksi Iapkhla katba ia ka kam Secretary Shnong la Shah jied biang da u bah Ioanis Manar uba dei u Secretary Shnong barim.
Lah ban pynkynmaw, ba u Ma Histokrist Pachiang u la juh bat teng ruh Kum u Secretary Shnong ka shnong Iooksi la kumba 3 sien kynthoh.
Naka Liang u Waheh Shnong thymmai ka shnong Iooksi , u bah Histokrist Pachiang Ula ai khublei kyrpang iaki paidbah Nongshong Shnong baroh kiba la ibit ia u ban long kum u Waheh Shnong thymmai jong ka shnong.
Haka juh ka por u la ai khublei ruh ia u Doloi ka Elaka Raliang iaka jingpyniaid beit pyniaid ryntih jong u iaka Jingiajied Waheh Chnong hapoh ka shnong.
