Jowai, Iaiong 21: Ka Shnong Iooksi, ka shnong kaba hap hapoh West Jaintia Hills District mynta ka sngi kala ioh ban jied iaki nongialam Shnong ba thymmai dakaba ia thep vote, ha kaba la pynskhem ruh ha kane hi ka sngi.
Ha kane ka jingiathep vote, ki paidbah ka shnong Iooksi kila jied iaka Kam Rangbah Shnong da u bah Monbait Tyngkan bad Secretary da u bah Histokrist Pachiang uba dei ruh u Secretary Shnong barim ka shnong Iooksi uba la iohbat ia katei ka kam la palat 6 snem eiei mynta, bad u la bat ruh hakajuh ka por kum u Secretary ka Village Employment Committe( VEC) jong ka Skim MGNREGS la palat 6 snem mynta.
Naka liang u Secretary ka Shnong Iooksi ula ai khublei kyrpang iaki paidbah ka shnong kiba la ibit ban jied biang ia u kum u Secretary Shnong bad haka juh ka por u la kyntu ruh iaki paidbah ka shnong ba kin iatrei lang naka bynta ban pynkiew shaphrang iaka shnong haki liang baroh naduh ka Roi ka par, ka pule ka puthi, ka koit ka khiah bad ka shongsuk shongsain.(SP News)
