Shillong, Jylliew 28: Mynta ka sngi ha ka por kumba shi baje shiteng syniang kibriew kiba ymlah ban tip kila leit ban kawang petrol bom ia ka Bio-Resources Development Centre (BRDC) kaba don 6th Miles upper Shillong, ha kane ka jingjia kam shym don kano kano ka jingduh ne jingjulor na ka liang jong ki pulit ki dang pynlong ia ka jingtohkit.
Ha kawei pat ka jingjia, na ka liang jong ki pulit kila ong ba ha ka 27 tarik mynta u bnai por kumba 9.15 baje mynmiet ki briew kiba ym lah ban tip kila leit ban kawang petrol bom ia ka dukan sam khaw rashon kaba don ha Lad shyiap Golf Link Shillong kaba dei jong ka kong Imina Kharmuti ha kane ka jingjia saw ngut ki briew kila mynsaw.
Na ka liang jong ki pulit ki la ong ba kiba mynsaw ha kane ka jingjia ki long u Yash Singh 5 snem, u Simon Singh Kharmuti 12 snem, kasamla Amanda S Kharmuti 22 snem bad ka samla Bandana Kharmuti 16 snem bad kane ka dukan ruh kala julor katto katne bad na ka liang jong ki pulit kila pynlogn ia ka jingtohkit.
