Shillong, Jylliew 03: Haba ia dei bad ka jingkynnoh ba ka Mrinal Kanti Modok ba kala shah rahbor ha ka haka 26 tarik jong u bnai Jymmang ba la dep naka shnong Chipit jong ka East Garo Hills. Halor kane ki pulit kila kem ia u Bearsingh T Sangma u ba kila subajur ba u lah ban don kti ha kane ka kam.
Ki pulit kila kem ia u Bearsingh ha ka miet jong ka ar tarik mynta u bnai na Dudhnoi na Assam khappud bad ka jylla Meghalaya, ha kane ki pulit kila kem lang ruh ia ka samla jong u ka Sengchi D Sangma na Majipara kaba donha Assam. Na kine ki pulit kila ioh ban kurup ka pisa T.53,000/- tyngka.
Ha dien ba la ioh ban ken iaki da ka jingialam jong u Bearsingh la ioh ban tam ia ka met jong u ba la shah rah bor ha kaba ki la bret ha ka khlaw jong ka Dawagittimgre kaba don ha East Garo Hills, la pynkit ia ka met iap sha Civil Hospital Williamnagar na ka bynta ban pyndep ia ki jingdonkam katkum ka ain.
