Shillong, Lber 20: Ki briew kiba ym lah ban tip ha ka sngi Saitjain jan meit kila pynpra ia ka “Information Board” ka jylla kaba don ha Boklapara kaba hap hapoh jong ka Hima Nongspung kaba don ha kahppud bad ka jylla Assam.
U Block Development Officer jong ka Jirang Block haba kren ha u SP News Agency la iathuh ba u la ioh ia kane ka jingtip mynta ka sngi bad u la leit hiat sha tei ka shnong da lade ban jurip halaor kane ka jingjia ha dien bala wan banjurip sa lah ban iathuh kaei kaba la jia.
La iathuh ba katei ka “Information Board” ka dei kaba la buh lyngba ka Jirang Block hynrei ki briew kiba ym lah ban tip kila pynpra ia kane ka jingthoh bad kane ruh kala wanrah ia ka jingwit hapdeng ki nongshong shnong.
U BDO jong ka Jirang la ong ba mynta ha khappud bad ka Assam kam don ei ei shuh kata ka jingshong syier na ka jingwan thung mawpud ka Assam, ka shong suk shongsain kala wanphai biang, hyrei ka jingeh ka long ka jingmih ha ki shnong namar don kiba kwah don ha Meghalaya don kiba kwah leit sha Assam kane ka jingeh kaba don mynta.
