Shillong, Rymphang 08: Ki pulit kila ong ba kila ioh ia ki jingujor kiba bun bah na ki paidbah ha kaba ki briew, khamtam na kylla Assam kila tyrwa ia ka ksiar ha ka dor kaba kham tad ban ia ka dor iew, da kaba ong ba ia ka ksiar kila ioh tam na khyndew ha ka por ba ki tih shna iing.
Kine ki nongphone ki juh pynbor ia ki briew ba kin leit sha Assam ban siew ia ka pisa, na ka liang jong ki pulit kila juh ong na ka por sha ka por ba ki paidbah kim dei ban shah pynbiej ha kum kine ki jingtyrwa hynrei ki paidbah ki dang shah shukor ha kum kine ki briew kiba shukor.
Ha kine ki sngi u wei u rangbah na Mawngap u la shah tyrwa ia ka ksiar ha ki briew kiba na Assam bad kila phah wan siew ia une u rangbah ia ka pisa hynniew lak tyngka ha Tezpur ban ioh ia kane ka ksiar une u rangbah u la leit ban siew ia kane ka pisa bad ynda la phah peit bniah la lap ba ka dei ka nar rynnong ia kaba la shu sop da ka ksair tang na jrong.
Ia kane ka case ki pulit kila register ha Laban Police station bad ka jingtohkit ka dang iaid ban lap ia kine ki nongshukor. Na ka liang jong ki pulit kila kyntu ia ki paid bah ba kim dei ban ngap ha kum kine ki jingshah tyrwa ba ki long kiba husiar ban lait na ki jingeh.
