Shillong Jymmang 26: U Regional Head North Eastern Region ka IBT Institute Private Limited, u Manash K Sharma u la ong shen kin sa plie ia kane ka jaka ai jinghikai ha kane ka nongbah Shillong na ka bynta ki samla kiba hap ban iakhun ia ki eksamin ha ki kam bapher bapher katkum kane ka juk kaba mynta.
La iathuh ba kane ka jinghikai kyrpang kan long kum ka jingpynkhreh na ka bynta ki samla ba kumno kin sngewthuh haba ki leit ban thoh ia ki eksamination ha ki kam bapher bapher kaba ki apply. KI jinghoikai kin long kiba ia dei bad ki eksam ba iadei bad ki ban ha ki tnad sorkar pdeng ki ‘insurance’ bad kiba ia dei ruh bad ki kam ha ki sorkar jylla.
Haba ia dei bad kine ki jinghikai kan sdang ha u bnai Nailar bad na ka liang jong ka kompani la buh ia ka dor kaba duna ha kaba baroh ki lah ban ioh ia kane ka jingmyntoi. Ka jinghikai kan long na ka bynta hynriew bnai ,haba iadei bad ki kot ki sla kan sa pynbiang na ka liang jong ka kompani.
Nalor kine ki jing hikai yn don ruh ki jinghikai, kumno ban leh, ka rukom jubab, ban shong ha ka por ba ki shah khot ha ka ‘personnel interview’. U sharma u la kam ba bun na ki samla wad kam kiba la shah hikai ha kane ka kompani kiba la ioh kam, ki long haduh 80pc bad ha North East baroh kawei ki don 126 tylli ki jaka hikai.
