Shillong, Naitung 19: Ki pulit pyniaid kali jong ka nongbah Shillong tang ha u bnai Jylliew shibnai kila ioh ban lum haduh T.16,66,750 tyngka da kaba dain kuna ia ki kali kiba la pynkhien ain da kaba iaid na ki jaka ki bym dei, ieng ha ki jaka ki bymdei, bym biang ki kot ki sla.
Ka jingdain kuna na ki nongniah kiba la buaid kyiad, kiba khlem deng ia u Seat Belt, kiba khlem phong halmet bad kiba niah kali khlem da don laisen. Haba ia nujor bad u bnai ba la dep ka jingioh lum ki pulit na ka jingdain kuna kala kham bun mynta.
Ha u bnai Jylliew ki kali kiba la shah dain kuna ki long haduh san spah phraphew tylli bad kine ki kali baroh kila pynkhein ia ki kyndon jong ka MV Act ha ki bynta bapher bapher la ong ki pulit ka nongbah Shillong.
