Shillong, Naiweing 24: Ha ka saw tarik mynta u bnai u Director jong ka DMR u la shem ba la jah ar book ki shallam ba dei jong ka Mineral Transport Challan bad ar book jong ka Meghalaya Environment Protection Restoration Fund Transport Challan na ophis kaba don ha Risa Colony, Shillong.
Ha kaba ia dei bad ka jingjah jong kine ki shallam ki pulit kila register ia ka case bad ha dien ka jingwad bniah ka jong ki la ioh ban kem ia u Bah Wadlang Kharhujon u ba trei chowkidar ha ka ophis jong ka DMR bad la shem ba dei ma u ba la shim ia kine ki shallam.
U ne u nongtrei jong kane ka ophis u la die ia ki sha u Bah Obadaia Thongni u ba shong bas ah ha New Nongstoin bad u ne u rangbah pat u la die kylla ia kine ki shallan sha u Bah Challen Synshiang jong ka shnong Shallang, West Khasi Hills ha ka dor kaba tang san lak tyngka.
Kane ka jingioh ban kem ia u ne u briew ba la kynnoh ba u don kti ha kaba tuh ia kine ki shallan dei da ka jingiatri shitom lang jong ki pulit ka East Khasi Hill bad jong ka West Khasi Hills District.
