Shimti u Rve Bishop Victor ia ka jylla niam Jowai Diocese mynta ka sngi

Jowai, Naiwieng 20: Sa sien ka balang katholik, jong ka jylla niam Jowai Diocese mynta ka sngi kala ioh biang ia u nongsynshar balang da ka jingleit ban shim ia kane ka kam da u Rev Bishop Victor Lyngdoh ha dien ba kane ka jylla niam kala sah khlem nongsumar la bun bun snem naduh ba la khlad noh u Rev Bishop Vincent Kynpat.

Ia ka jingpdiang burom ia u Rev Bishop Victor mynta ka sngi la sdang da ka jinglehniam leh rukom ha kaba hynniew ngut ki para bishop na kane ka dang shatei lam mih ngi jong ka Ri India kila ia poi ha kane ka sngi, ryngkat ki lyngdohsad.

Ha kane ka sngi kipaid riew ngeit jong ka jylla niam Jowai Diocese kila ia poi da ki phew hajar ngut ban pdiang burom ia u kpa mynsiem jong ka jylla niam da ka jingkmen ha kane ka sngi kaba khraw, u Rev Bishop Victor u dei u Bishop u ba ar ban shimti ia kane ka kam naduh ba la seng ia kane ka jylla niam.

Ia ka jinglehniam leh rukom la pyndep da u Rev Bishop Victor Lyngdoh, ha ka jingiadon lang kiwei ki para Bishop bad ki lyngdohsad , ha ryngkat ki phew hajar ki para riew ngeit jong ka balang katholik jong kane ka jylla niam.