Shillong, Iaiong 14: Ka jingrakhe ia ka snem thymmai jong ka jaid bynriew Assam’s la rakhe hakane ka nongbah Shillong, ha kaba bun na ki nong Assam kiba sah ha kane ka jylla ki juh rakhe ia kane ka sngi ha ka rukom kaba kyrpang da kaba pynlong ia ki jingleh kmen ki jong ki khamtam eh ha ki ar tylli ki jaka ha Bishnupur, Laban bad Asom Khristi Kendra Dhakheti.
Ha kane ka sngi ruh kala don ka jingleh kmen leh burom ban pdiang ia kane ka snem thymmai jong ka jingiwan ka pyrem. Ha kitei ki ar tylli ki jaka la iohi ba ki khynnah kila ialehkai ban pdiang burom ia kane ka sngi da ka jingkmen, kane ka jingleh kmen Rongali Bihu ka dei ka jingleh kmen jong ka jong ki paidbah ka jylla Assam.
Ha kane ka sngi na ka liang jong u Lat ka jylla u Banwarilal Purohit ruh u la ai khublei kyrpang ia kito baroh kiba pynlong ia kane ka sngi kaba sngewbha bad bad kmen, na pdeng ki jingleh burom baroh hapoh ka jylla Assam kane ka jingleh kmen ka long kaba khraw tam hapoh ka tei ka jylla.
