Shillong, Iaiong, 18 : U nongialam jong ka parliamentary party ( PP ) Jong ka party UDP u bah Teinwell Dkhar u la ong ba shuwa ba kin phah ia ka shithi weng jingkyrshan na ka kynhun People Democratic Forum ( PDF ) kin ia kynduh shuwa para MDC jong ka party .
U nongialam ka UDP hapoh KHADC , haba kren ha u SP News Agency ula iathuh ba haduh mynta kin pat ia kynduh namarba ki para MDC ki don la ki jong ki jong ki constituency . La ong ba lehse shen kin sa ia kynduh bad hadien kata kin sa lah ban phah ia ka jingthoh sha u nongialam ka PDF u bah PN Syiem uba dei u CEM .
U bah Dkhar ula kren shai , ka rai ban weng ia ka jingkyrshan ia ka PDF ha KHADC ka dei ka rai jong ka central executive committee ( CEC ) jong ka party ba kane ka dei ka bor ba ha khlieh duh jong ka seng . Hynrei shuwa ba kin phah ia ka shithi weng jingkyrshan ia ka executive committee kaba la ialam da u bah pynshngain ka dei ka kamram jong ki ba kin ia kynduh .
Hynrei kum u nongialam jong ka PP hapoh KHADC , u bah Teinwell ym pat buh sngi lano kin ia kynduh hapdeng ki para MDC .
