Shillong, Rymphang 17: Ka ophis jong ka Jaintia Hills Autonomous District Council (JHADC) mynta ka sngi kala pynbna ba u Bah Puramon Kynjing u la shah jied ha ki paidbah jong ka Jowai Elaka ba un long u Doloi ba pura. Shuwa ban ai Sanad, un ioh shuwa ia ka appointment khnang ba un dup lah ban trei kam kum u Doloi bapura.
Ka kong B Bamon Adminstrative officer jong ka JHADC kaba dei peit ia ki kam Elaka, haba kren ha u SP News Agency kala ong ba ia kane ka appointment yn sa ai noh ha kane ka taiew ban wan na ka bynta bay n dup lah ban trei kam kum u Doloi u ba la shah jied ha ki paidbah jong ka Jowai Elaka.
Hynrei ha kaba ia dei pat bad ka Sanad ban pynskhem ia ka jong long Doloi ka jong u Bah Kynjing yn sa ai ynda ka iing dorbar jong ka JHADC kala pdiang ia ka kaiphot hapoh ka iing dorbar ynda la wanrah hapoh ka iing dorbar. La ong ba ka iing dorbar jong ka JHADC kan sa shong ha u bnai Lber ban wan.
