Tura, Iaiong 3: U chief secretary ka jylla Meghalaya, u bah P B O Warjri mynta ka sngi u la pynpaw ba u dap da ka jingsngewkmen ban iohi ba ka jingpynkhreh pynkhrum ia ka election na ka bynta ka Lok Sabha ka ban long ha khyndai tarik I iaiong ka long kaba iaid beit iaid ryntih.
Ha kane ka jingleit jngoh jong u Chief secretary ia ka Garo Hills la synran lang da u DGP Peter James Haneman.
Ki bor ba dei peit ia ka District Administration kila pynkhreh bniah ba ka election ka long kaba iaid beit iaid ryntih. U Chief Secretary u la ia ka jingiaroh ai ki bor District ha ka jingpynkhreh ia ka election.
Ha ka juh ka por u la ong ruh ba ki bor ba dei piet ia ki district ki dei ban peitngor, khamtam ha ki to ki district kiba ki kam lehnoh ka jur bha, kum ka East bad ka South Garo Hills District. (SP News)
