Shillong, Jymmang 16: Ka Executive Committee jong ka Seng Kur Jyrwa Nongsiej ka la ia kynduh kyrkieh mynta ka sngi ka 16 tarik Jymmang 2017 por 4: 30 janmiet bad ka pynpaw ia ka jingsngewsih halor ka jingkhlad kaba kyndit jong u Bah E Shersing Jyrwa ba juh khot ieid I Bah Liw iba shong ba sah ha Mawkhar, Shillong ha ka 15 tarik Jymmang 2017.
Kum ka Kur ngi pynpaw ia ka jingduh kaba khraw namar I Bah Liw I la long uwei na ki nongseng ia ka Seng Kur Jyrwa Nongsiej bad haduh ka khyllipmat ba u khlad noh u dang bat kum u Legal Adviser jong ka Kur. Kum ha kane ka por ba wan kah u lyoh dum ia ka ïing ka sem, ka Seng Kur da ka mynsiem ba khia ka phah ia ka jingsngewlem sha phi ka lok, ki khun, kiba ha ïing hasem bad baroh kiba dang don ka jingiadei.
Na ka liang jong ka kur kala pynpaw ba, watla yn nym don kyntien na ngi ki briew ba lah ban pyntngen ha kum kane ka por, hynrei ki ngeit skhem ba u Blei u don ryngkat ban pyntngen iaka ïing ka sem hi baroh kawei kaba ia kynduh ia kane ka jingjia kaba sngewsih bad ki duwai ki phirat ha U Blei Nongbuh Nongthaw ba ka mynsiem jong u kan ioh ban shong jahthait bad shongsuk junom la junom. Ong ka kyrwoh kaba la phah da u Rev. L. D. Nongsiej, Secretary, Kur Jyrwa Nongsiej.
