New Delhi Jylliew 03: U myntri rangbah duh jong ka Ri India u Narendra Modi u pynpaw ia ka jingsngew kyndit ka jong u halor ka jingkhlad ba kyndit jong u myntri ba dei peit ia ka tand pynroi nongkyndong u Gopinath Munde, ha ka jingiatyngkhuh kali mynta ka sngi ha nongbah Delhi.
Na ka liang jong u myntri rangbah duh jong ka Ri u la ong ba kane ka jingkhlad ba kyndit jong u Munde kala wanrah ia ka jingduh kaba khraw ym tang ia ka Ri India hynrei wat ia ka seng BJP.
U tei u rangbah u la wan na ka jaid bynriew kaba rit paid bad u la trei shitom na ka bynta ki paidbah haduh bay n da poi ha kane ka kyrdan hynrei kane ka jingjia kaba sngewsih kala wanrah ia ka jingduh kaba khraw ia ka Ri.
U myntri rangbah duh jong ka Ri u la phah ia kane ka khubor sngewlem sha kiba ha iing ha sem jong bad u la ong ba u Munde u la trei khlem tyngka ia lade na ka bynta ki paidbah.(SP News)