Mairang, Nailar 16: Ka helicopter Pawan Han kaba kit ia u myntri khynnah ka sorkar pdeng ba dei pit ia ka DONER ministry u Dr Jitendra Singh kala sniew ha dien ba u la dep ban hiar ha Mairang ban leit sha Nongkhlaw ban pyndeng syntiew ia u nongialeh Laitluid jong ka Ri Khasi u Tirot Sing Syiem.
Katkum ki tyllong khubor kiba la ioh da u SP News Agency, la iathuh ba ia kane ka jingthmu jong kane ka helicopter Pawan Han la lap shuwa ba u myntri un leit phai ha dien ba u la pyndep ia ka jingleh burom ia u Syiem jong ka Hima Nongkhlaw.
Ha dien ba la lap ba ka don ka jingthut la pyntip sha ki bor dei peit ia ka company Pawan Han, na ka liang jong ka company kala phah daw kawei pat ka Helicopter ban wan shaw ia u myntri na Mairang. Ha ka juh ka por la wanrah ruh ia ki mekhanik ba kin shna ia kane ka helicopter bad kala shim por palat shikynta ha duh ban da pyndep ban shna.
Ha kane ka jingleit buh syntiew na ka liang jong ka seng BJP ban burom kyrpang ia ki riew khraw jong ka Ri kiba la ia leh pyrshah ia ki phareng. Na ka liang jong u ka Hima la don u Syiem, u pa’im P Syiemlieh bad ki myntri jong ka hima.