Jowai, Risaw 09: Mynta ka sngi kala don ka jingia kaba sngewsih ha kaba u wei u samla u ba dang pule ia ka klas kaba shiphew na ka shnong Amtasam kaba hap hapoh jong ka Amlarem Civil Sub Division u la pynkut iala ka jong ka jingim da kaba dih da ka bih.
Ia ka daw ba thikna ym pat lah ban tip kaei kaba la pynlong ia u ba un leh ia kane ka kam ha kaba ym shym poi pyrkhat ban poi ha duh ban duh ei iala ka jong ka jingim, la suba ba ka dei tang namar ba ha iing ki ong iai u ban nym ia iaid samla.
Kat kum ka khubor kaba la ioh la iathuh ba une u samla bala tip kyrteng kum u Riskhem Kassar u ba dang 19 snem ka rta u ba dang pule ha ka klas kaba shiphew ha ka por kumba 12 baje ei ei u la dih da ka bih bad kumta la pynkit ia u mar mar sha Jowai Civil Hospital ban ioh jingsumar.
Hynrei na ka daw jong ka jingkhlain jong ka Bih kaba la dih u la khlad noh ha ka por 3 baje jan miet hapoh jong katei ka Hospital sorkar kaba don ha Ialong. katkum ka jingthoh kaba don hapoh jong kane ka hospital u dei u khun jong ka kong Mebi Kassar bad u Bah Sar Rasmut.
Na ka liang jong u SP ka West Jaintia Hills District, haba kren ha u SP News Agency u la iathuh ba “ ki doctor napoh jong ka Ialong Civil Hospital kila pyntip sha ki ophisar (pulit) ba la wan rah ia uwei u briew ba shitom bad u la khlad noh hapoh kane ka hospital, na ka liang jong ki pulit kila pynlong ia ka jingtoh kit ban lap ia kadaw ba lei une u samla u la khlad noh”.
