Shillong, Rymphang 08: Ka KSU Mawlai circle ha ka 8.2.2024 hapoh ka jingialam u samla Edie Malngiang General secretary bad samla Sam Lyngdoh Nonglait Education secretary ka la leit ban ai da ka jingujor sha u principal jong ka Sacred Hearts boys higher secondary u Fr T. Kharsyntiew halor ka jingthoh bakla ia ka kyrteng jong ka shnong Mawlai ha ki sweaters jong ki khynnah school.
Kat Kum ka jingthoh ha ki sweater ha ka jaka ban thoh ‘Mawlai’ la thoh pynban ‘Mawali’ , Kane ka jingbakla ka ban thoh ia ka kyrteng jong ka shnong Mawlai ka la ktah bad wanrah ka jingsngewdiaw ia kiba bun ki paidbah nongshong jong ka shnong mawlai kumjuh ia ki khynnah school ba pule ha katei ka Skul.
Kumta na ka liang ka seng ka la ioh ban pynsngew sha i principal ba in khmih bad phah pynbeit noh ia Kane ka jingthoh bakla bad ban ai noh da kiwei ki sweater kiba biang bad ba beit ka jingthoh bad spelling kaba dei jong ka shnong Mawlai.
Na ka liang u principal u la pyntip sha ka seng ba na ka liang ka school ka don ka jingiateh bad ka H.B.Textiles school uniform embroidery dealership na ka bynta ban pynbiang ia ki uniform school jong ki khynnah school bad ka don ka jingleh bakla na ka liang ka H.B.Textiles bad mar sien ioh jingtip ba ka don ka jing print bakla ha ki sweater.
U Phadar la ong ba u la phah pynbna ha assembly ban phah lum lut baroh ki sweater jong ki khynnah ba don ka jingbakla ka jingthoh u la pyntip ruh ba ki sweater kiba ba don ka jingbakla ka jingthoh ki dei na ka size 26 bad 38 bad ym baroh jong ki khynnah school.
U principal u la pynpaw ruh kum ka school hi baroh kawei ki don jingngewsih ha kaba ia dei bad ka jing print bakla ia ka kyrteng jong ka shnong Mawlai namar Kane ka jingbakla ka la ktah ia ka school bad ka shnong Mawlai hi baroh kawei bad u la pyntip ruh na ka liang ka school ka la shim khia bad ba kan nym dei shuh ban dang jia kumne ha ki por ban sa wan. Kane ka long katkum ka kyrwoh ba la pyllait da u samla Gary Mawlieh Publicity Secretary KSU Mawlai Circle.
