Jowai, Naitung 13: Na ka daw ka jingkynnoh ba kala don ka jingshah iuh roit ki trai trok kiba hap hapoh ka lama Jaintia Hills Truck Owners Association (JHTOA), ha ki Kharkhana pynmih dewbilat, ka seng ha ka jingiadei bad kane ka jingshah leh bein kan pynlong da ka jingialang ha 16 tarik mynta u bnai ha madan hynniewmer ha ka por 10:30 mynstep ban iakren halor ka jingeh haka ba iadei bad ka kit ka bah ia u Cement, Clinker bad kiwei kiwei ki mar.
Kum ka seng ka kwah ban ia kren namar ba ki kharkhana pynmih dewbilat ha Jaintia Hills ki la pyndonkam ia ki truck kiba don haduh 18 shak ban kit ia Dewbilat, Clinker bad kiwei kiwei ki mar ba mih na Factory.
Ka jingpyndon kam jong kine ki Cement Factory da ki trok 18 shaka, ka ktah ym tang ia ki trai trok kiba dei na kane ka jylla hynrei ka ktah ruh ia ka dheng kali, accident namar ba kine ki trok ki long kiba jrong haduh katta katta bad kam pat ia hap ba kin iaid ha une kine ki surok Meghalaya ba long riat, kdor bad ba long khim.
Kane ka jingle jong ki karkhana shna dewbilat kala ktah ia ka kot kabha jong ki trok na kane ka jylla bad kum ka seng ka don ka jingsyier ba kan poi ka por ba kin sa duh kamai bah Enrico D.Pasi General Secretary JHTOA bad u President ka seng u Nidamon Chulet.
