Shillong, Naiwieng 02: Ki pulit jong ka East Khasi Hills mynta ka sngi kila tam lai tylli ki met iap jong ki rangbah briew na ki jaka bapher bapher ia kaba ym pat lah ban tip ki dei kiba na ei ia kine baroh la pynkit sha Civil Hospital ban leh ia kaba don kam.
Mynta ka sngi ha ka por 1.30 baje jan miet ki pulit kila ioh ban tam ia ka met jong u wei u briew u ba kim pat lah ban tip na Mawkhanu ka jaka ba khrong pisa ka NAHAI na ki kali kiba iaid ha kane ka surok Shillong by-pass, ryngkat kane ka met la ioh ruh ban tam ia ka bike kaba don ia u number AS-01-AR-1671.
Ha kane ka juh ka sngi ha ka por kumba shi baje noh phai sngi ki pulit kila ioh ban tam ia ki ar tylli ki met iap na khlaw jong ka Spread Eagle Falls kaba don ha jan jong ka MES, ia kine ki ar tylli ki met iap jong ki rangbah briew ruh la rah sha Civil ban leh ia kaba don kam.
Ha baroh kin ear tylli ki jingjia na ka liang jong ki pulit kila pynlong ia ka jingtohkit ban lap ia ka kyrteng jong ki bad ki dei na kaei ka dong ka thain ka shnong bad kumjuh ban wad ia ki nongleh kam sniew lada dei ba kine ki briew ki shah pyniap.
