Tura, Kyllalengkot 05: Ban beteng ia ka jingiai dawa jong ka seng Congress ba u myntri rangbah duh jong ka Ri u dei ban pynshai halor ka jingpynduh noh ia ka pisa 500 bad 1000 tyngka ka Meghalaya Pradesh Youth Congress (MPYC) kala thang ia ka tyngshop jong u Narendra Modi, Arun Jaitley, Amit Shah bad d Nalin Kohli ha khmat ophis jong ka BJP kaba don ha Tura.
Ia kane ka jingiathang ia ka tyngshop jong u myntri rangbah duh jong ka Ri bad ia kiwei ki nongialam jong ka seng BJP ha Tura mynta ka sngi la ialam da u president jong ka MPYC u Richard Marak, ha ka jingkren jong u tei u nongialam ka seng samla jong ka party congress u la pynkynmaw ia kaei kaba u Modi u la ong, ba u la pan por 50 sngi na ki paidbah jong ka Ri ban weng ia kane ka jingeh.
U Marak , u la kynnoh ba u myntri rangbah duh jong ka Ri India u la shukor ia ki paidbah namar ha dien ka 50 sngi sngi ruh ki paidbah ki dang ia kynduh ia ka juh ka jingeh, la ong ba na ki jingjia kiba rim la shem ba u Modi ym juh bat ia la ka jong ka kular la ong u Marak.
